Ahmedism: HIV, P!NK .. etc.

flickr

Sunday, 28 September 2008

طيب .. مساء الخير جميعًا ..

شوية حاجات كده كنت عاوز اتكلم عنها بالسريع .. مفيش يعني فكرة معينة للبوست .. بس شوية حاجات هنا وهناك مجمعها وبحكيهالكم :)

أولاً : أنا نيجاتيف يا جدعان

رحت يوم الجمعة بالليل عملت تحليل إتش أي في .. أو الفيروس اللي بسبب مرض الإيدز .. إلى جانب تحاليل أخرى عملتها من باب العلم بالشيء .. الحمد لله كل التحاليل طلعت مبارح سليمة وكلو تمام التمام ..وده شيء جميل .. مكنتش خايف اوي اوي بس يعني الواحد بيقلق ..ولازم يعرف ساعات..

بحب اقول للجميع إن تحليل الإيدز بيطلع بعد 24 ساعة من عمله، وممكن أي شخص يعمله بالمجان عند الوزارة من غير ما حد يطلب منه أي ورق أو هوية أو بطاقة أو أي حاجة .. ومفيش أي مشاكل هتلاحقك مهما كانت النتيجة.. أنا عملته بمختبر خاص لأني مش مصري بس ممكن أي حد يعمله بأي حتة ..

وعلى فكرة كمان الإيدز مش بيتنقل بالعلاقات الجنسية بس .. بيتنقل بحاجات كتير منها شفرات الحلاقة عند الحلاق ومكنة طبيب الأسنان لو مش متعقمين ..

نمرة تلفون مركز المختبر علشان لو حد عاوز يعرف الفروع : 19014 والتحليل ده بالذات بيكلف 120 جنيه.

ثانيًا : بينك دي بنت ......

بينك ـ للي مش عارف يعني ـ دي مغنية امريكية بتعز عليي اوي وبحبها بجد ..أغانيها دايمًا جديدة وملفتة للنظر وبيحس الواحد وهو بيسمعها إنها كلها حيوية وبجد مش أي أغنية والسلام .. لا هي بريتني ولا أجيليرا .. بنت جدعة كده وبتحس إنك عاوز تتعرف عليها وتقعد تهزر معاها ..

المهم يا باشا البت دي جوزها طلقها من يجي خمس ست شهور .. ودي حاجة خلقت عندها مشكلة صعبة شويتين وخصوصًا إنه كان بيخونها وكلام كبير .. فالبت عملت إيه .. راحت يا باشا وكتبت اغنيها عن الطلاق وعن إنها خلاص نسيت الراجل ويعني كانت شوية وهتقوله "طززز" فيك ..

وده مكنش كفاية برأيها الشخصي، راحت اتصلت فيه وعرضت عليه فلوس يجي يصور معاها فيديو الأغنية من غير ما يكون عارف الأغنية بتتكلم عن إيه، والأهبل طبعًا صدق وراح وصور معاها الأغنية وهو مش فاهم إنها أصلاً بتضحك عليه ..

طبعًا مش هتعبكو اوي أدي فيديو الأغنية .. وطليق بينك هو الأهبل أبو خصلة شقرا بنص شعره ده ..

يستاهل والله :)

Pink - So What

http://www.youtube.com/watch?v=dJZDsJ8UU64

ثالثًا بقى : روزااااااا

روزا دي تبقى بنت جدعة عندي بالشغل كانت عاوزة تعمل بلوج .. رحت ساعدتها شوية والبنت مبدعة ونشيطة والله والبلوج بتعها جامد برأيي .. اعملوا زيارة يا جدعان وشوفوا البلوج لأنها تستاهل التشجيع ..

http://rosabianca2008.blogspot.com/

بس كده خلصت خلاص .. ده واحد من الردود المعدودة اللي أنا داخل اتكلم لأني فاضي وماورايش حاجة وعاوز اقول حاجتين تلاتة مش علشان عندي موضوع اتكلم عنه:)

يلا استودعناكم ..

Labels: Ahmedliving

This entry was posted on Sunday, 28 September 2008 at 17:12. There are . If you want, you can leave your own response by clicking here. You may also send this post to a friend of yours via email, or bookmark it for yourself by using icons below;

Leave your response